Rusiya futbolunda legioner limiti ləğv edilməyəcək

"Rusiya futbolunda legioner limitini ləğv etmək hazırda mümkün deyil".

"Report" xəbər verir ki, bunu Rusiya Futbol İttifaqının prezidenti Aleksandr Dyukov qurumun növbədənkənar Konfransından sonra jurnalistlərə açıqlamasında deyib.

Funksioner bildirib ki, Rusiya Premyer Liqasında "8+17" limiti tətbiq edilir. Onun sözlərinə görə, hər klubun heyətində ən çox 8 əcnəbi futbolçu yer ala bilər. Dyukov deyib ki, yarışı hazırda limitsiz keçirmək mümkün deyil.

Qeyd edək ki, hazırda "Ximki"də çıxış edən Kamran Əliyevin Azərbaycan yığmasına cəlb olunması gözlənilir. Bu, baş versə, Əliyev Rusiya Premyer Liqasında legioner statusu daşıyacaq.