Ronaldu anasına doğum günündə avtomobil hədiyyə edib

“Əl-Nəsr” klubunun və Portuqaliya millisinin hücumçusu Kriştianu Ronaldu anasına doğum günündə avtomobil hədiyyə edib.

“Report” xəbər verir ki, 38 yaşlı forvard ötən həftəsonu Madeyra adasına uçaraq 69 yaşı tamam olan anasına “Porsche” markalı avtomobil hədiyyə edib.

Qeyd edək ki, bu mövsüm Ronaldu Səudiyyə Ərəbistanı çempionatında 18 oyun keçirib, 20 qol vurub və 9 məhsuldar ötürmə edib.

Ronaldu “Qızıl top”un 5 qat sahibidir. Karyerası ərzində o, Madrid "Real"ında oynayıb, klub tarixinin bombardiri olub, həmçinin "Mançester Yunayted", "Yuventus" və "Sportinq" klublarında çıxış edib.