Ronaldu A Seriyasının ən yaxşı bombardiri oldu

Turin "Yuventus”unun və Portuqaliyanın futbol üzrə yığmasının hücumçusu Kriştianu Ronaldu A Seriyasının ən yaxşı bombardirləri siyahısında birinci yerə çıxıb.

Bu barədə “Report” xarici mətbuata istinadən xəbər verir.

Məlumata görə, 35 yaşlı hücumçu İtaliya çempionatının 13-cü turunun “Parma”ya qarşı matçında fərqlənərək, qollarının ümumi sayını 11-ə çatdırıb.

O, qolların sayına görə "Milan"ın isveçli oyunçusu Zlatan İbrahimoviçi və “İnter”in belçikalı futbolçusu Romelu Lukakunu ötüb.

Xatırladaq ki, Ronaldu 2020-ci ildə “Yuventus”un heyətində 38 oyunda 40 qol vurub.