Ronaldu 10-cu dəfə ilin ən yaxşı futbolçusu seçilib

Portuqaliyada ilin ən yaxşı futbolçusu müəyyənləşib.

“Report” xəbər verir ki, bu ada İtaliyanın “Yuventus” komandasının hücumçusu Kriştianu Ronaldu layiq görülüb. 34 yaşlı forvard səsvermədə Bernardu Silva (“Mançester Siti”, İngiltərə) və Joau Felişi (“Atletiko”) qabaqlayıb.

O, 2007-ci ildən müntəzəm şəkildə namizəd olduğu mükafatı rekord sayda - 10-cu dəfə əldə edib.

Qeyd edək ki, Ronaldu bu il “Yuventus”la İtaliya A seriyasının, Portuqaliya yığması ilə isə UEFA Millətlər Liqasının qalibi olub.