Ronaldu: 1 000-ci qolumu vurmaq istəyirəm

Portuqaliyalı futbolçu Kriştianu Ronaldu karyerası ərzində 1 000-ci qolu vurma ehtimalı haqqında danışıb.

“Report”un məlumatına görə, bu barədə “A Bola” nəşri xəbər yayıb.

"Açıq şəkildə bildirmişəm ki, 1 000-ci qolumu vurmaq istəyirəm. Bunu bacarsam, möhtəşəm olacaq. Amma bacarmasam da, hələ heç kim məndən çox qol vurmayıb", - Ronaldu bildirib.

Qeyd edək ki, hazırda futbolçunun hesabında 908 qol var.

Ronaldu 2023-cü il yanvarın 2-də Səudiyyə Ərəbistanının "Əl-Nəsr" klubuna keçib. O, müqaviləyə əsasən ildə 200 milyon avro qazanır. Həmçinin, portuqalıyalı futbolçunun və ailəsinin əlavə bonuslar aldığı barədə məlumatlar yayılıb. Ronaldu "Mançester Yunayted" klubu ilə müqaviləsini baş məşqçi Erik ten Haqla gərgin münasibətlər səbəbilə pozmuşdu.

O, Səudiyyə Ərəbistanının cari çempionatında 9 oyun keçirib, 6 qol vurub.