Roman Qriqorçuk "Neftçi"nin yeni transferinin keçidinə münasibət bildirib

“Neftçi”nin baş məşqçisi Roman Qriqorçuk klubun yeni transferi Rafael Quzzonun keçidinə münasibət bildirib.

"Report" klubun mətbuat xidmətinə istinadən xəbər verir ki, ukraynalı mütəxəssis portuqaliyalı futbolçunun "ağ-qaralar"ın oyun üslubuna tam uyğun gəldiyini deyib:

“Çox şadam ki, daha bir yaxşı oyunçunu transfer edə bildik. Rafael Quzzo bizim oyun üslubumuza tam uyğun gələn maraqlı futbolçudur. Düzdür, bizə bir az gec qoşulub, amma qısa müddətdə onu optimal formaya çatdırıb xidmətlərindən yararlanmaq istəyirik. Quzzonun bizə çox köməyi dəyəcək, ona ümidimiz böyükdür”.

Qeyd edək ki, paytaxt klubunda 6 nömrəli formanı geyinəcək 29 yaşlı futbolçu ilə 2 illik müqavilə bağlanıb.