Riçard Almeyda: "Bakıya ən yaxşı nəticə ilə dönəcəyik"

"İnanıram ki, Bakıya ən yaxşı nəticə ilə dönəcəyik".

"Report"un məlumatına görə, bunu "Qarabağ"ın futbolçusu Riçard Almeyda Fransada "Nant"a qarşı keçirəcəkləri UEFA Avropa Liqasının qrup mərhələsinin V tur oyunundan öncə mətbuat konfransında deyib.

Braziliya əsilli yarımmüdafiəçi bildirib ki, rəqibin heyətində yaxşı futbolçular var: "Amma biz öz oyunumuza fokuslanmışıq. Dolu tribunalar qarşısında oynamaq xoşumuza gəlir".

Qeyd edək ki, oktyabrın 27-də keçiriləcək "Nant" - "Qarabağ" matçı Bakı vaxtı ilə saat 23:00-da başlayacaq.