Reziuan Mirzovun “Neftçi”yə keçidi rəsmiləşib

Rusiyalı futbolçu Reziuan Mirzovun “Neftçi”yə keçidi rəsmiləşib.

“Report” xəbər verir ki, Bakı klubu “Neftçi TV” vasitəsilə 30 yaşlı yarımmüdafiəçinin transferini açıqlayıb.

Hücumameyilli oyunçu Rusiya klubu “Ximki”dən ayrıldığı üçün “ağ-qaralar”a azad agent kimi keçib. O, yeni komandasında 22 nömrəli formanı geyinəcək.

Qeyd edək ki, Reziuan Mirzov “Ximki”yə 2020-ci ildə Moskva “Spartak”ından keçib.