"Real Madrid"in hücumçusu El Klasikoda irqçi təhqirlərə məruz qalıb

"Real Madrid"in futbolçusu Vinisius Junior səfərdə "Barselona"ya qarşı keçirdikləri İspaniya La Liqasının X tur matçında xoşagəlməz hadisə ilə üzləşib.

"Report" çempionatın rəsmi saytına istinadən xəbər verir ki, braziliyalı hücumçu yerli azarkeşlərin irqçi təhqirlərinə məruz qalıb.

Barselona prokurorluğunun məsələ ilə bağlı araşdırmalara başlayacağı bildirilib.

Qeyd edək ki, El Klasiko "Real Madrid"in 2:1 hesablı qələbəsi ilə başa çatıb.