"Real Madrid" aparıcı futbolçusu ilə uzunmüddətli sözləşmə imzalayacaq

İspaniyanın "Real Madrid" klubu futbolçusu Vinisius Juniorun müqaviləsinin müddətini uzadacaq.

"Report" "Globo" nəşrinə istinadən xəbər verir ki, tərəflər sözləşmənin 2028-ci ilədək uzadılması ilə bağlı razılığa gəliblər.

Juniorun maaşının əhəmiyyətli dərəcədə artacağı bildirilib. Braziliyalı oyunçunun hazırkı müqaviləsi 2024-cü ildə başa çatmalıdır.

Qeyd edək ki, Vinisius Junior cari mövsüm İspaniya La Liqasında 34 oyunda iştirak edib, 17 qol və 13 məhsuldar ötürmə ilə yadda qalıb.