"Real"ın zədəli futbolçularının yaşıl meydanlara qayıdacağı vaxt bəlli olub

İspaniyanın "Real" klubunun zədəli futbolçuları Rodriqo və Lukas Vaskesin yaşıl meydanlara qayıdacağı vaxt bəlli olub.

"Report" xəbər verir ki, bu barədə "Marca" nəşri məlumat yayıb.

Əzələsində problem aşkarlanan braziliyalı vinger 5-6 həftə, Vaskes isə təxminən 1 ay meydana çıxa bilməyəcək.

Qeyd edək ki, hər iki oyunçu "Osasuna"ya dörd cavabsız qolla qalib gəldikləri La Liqanın XIII turunun matçında zədələniblər.