"Real"ın futbolçusunun "Lill"ə qarşı oynamamasının səbəbi müəyyənləşib

İspaniyanın "Real" klubunun hücumçusu Rodriqonun UEFA Çempionlar Liqasının Liqa mərhələsinin II turunda baş tutan "Lill" (Fransa) ilə matça çıxmamasının səbəbi bəlli olub.

"Report" "MadridXtra"ya istinadən xəbər verir ki, 23 yaşlı futbolçu belindəki problem üzündən oynamayıb.

O, La Liqanın VIII turunda "Atletiko"ya qarşı oyunda (1:1) zədələnib.

Qeyd edək ki, Rodriqo "Lill" ilə görüşdə ehtiyat oyunçular skamyasında yer alsa da, meydana çıxmayıb. Görüş "Real"ın 0:1 hesablı məğlubiyyəti ilə yekunlaşıb.