Ramil Şeydayev: "Ölkəmiz, ailəmiz, azarkeşlərimiz üçün oynamalıyıq"

“Qrupda itirəcək bir şeyimiz yoxdur. Ölkəmiz, ailəmiz, azarkeşlərimiz üçün oynamalı, var gücümüzlə mübarizə aparmalıyıq".

"Report"un məlumatına görə, bunu Azərbaycan millisinin futbolçusu Ramil Şeydayev səfərdə Serbiyaya qarşı keçirəcəkləri 2022-ci il dünya çempionatının seçmə oyunundan öncə mətbuat konfransında deyib.

25 yaşlı hücumçu Belqrada elə-belə gəlmədiklərini bildirib: "Ümid edirəm ki, sabah bizim üçün hər şey yaxşı olacaq. Çalışacağıq öz oyunumuzu oynayaq və qələbə qazanaq”.

Qeyd edək ki, oktyabrın 12-də oynanılacaq Serbiya - Azərbaycan qarşılaşması Bakı vaxtı ilə saat 22:45-də start götürəcək.