Ramil Şeydayev "Jilina"nın heyətində növbəti qolunu vurub - VİDEO

Bakı. 28 aprel. REPORT.AZ/ Slovakiya çempionatında XXIX tura "Trençin" - "Jilina" matçı ilə start verilib.

"Report"un məlumatına görə, açılış oyununda artıq çempionluğu təmin etmiş "Jilina" klubu "Trençin"in qonağı olub.

Görüş meydan sahiblərinin qələbəsi ilə yekunlaşıb - 2:1. "Jilina"nın yeganə qolunu 21-ci dəqiqədə Azərbaycan yığmasının hücumçusu Ramil Şeydayev vurub. O, hesabı açsa da, komandası üstünlüyü əldən verib.

Bu nəticədən sonra "Jilina" 61 xalla 1-ci pillədə qalıb. Xallarını 41-ə çatdıran "Trençin" isə 4-cü pilləyə yüksəlib.

Qeyd edək ki, Ramil Şeydayev sonadək meydanda olub.