Qurban Qurbanov: Komandada çatışmazlıqlar var

Komandada çatışmazlıqlar var və çalışacağıq ki, onları aradan qaldıraq.

"Report" xəbər verir ki, bunu "Qarabağ"ın baş məşqçisi Qurban Qurbanov Xorvatiya təmsilçisi "Dinamo"ya (Zaqreb) qarşı UEFA Çempionlar Liqasının pley-off mərhələsinin cavab oyunundan sonra baş tutan mətbuat konfransında deyib.

Təcrübəli mütəxəssis 0:2 hesablı məğlubiyyəti şərh edib:

"Məğlubiyyətə görə üzgünük. Futbolçularım əziyyət çəkdilər. Azarkeşlərimizə də təşəkkürlərimi bildirmək istəyirəm. Sonadək bizi qələbəyə səslədiləır. Fərqlənmək üçün bir neçə imkanımız oldu. Təəssüf ki, qol hesabını aça bilmədik. Komandada çatışmazlıqlar var və çalışacağıq ki, onları aradan qaldıraq. "Dinamo" 2 oyuna 5 qol vurub, məncə, əlavə nəsə deməyə ehtiyac yoxdur".

Qeyd edək ki, Zaqrebdəki "Maksimir" stadionunda baş tutan ilk matçda "Dinamo" 3:0 hesablı qələbə qazanmışdı.