"Qızıl top" mükafatı bu il verilməyəcək

"France Football" nəşrinin təsis etdiyi "Qızıl top" mükafatı bu il təqdim olunmayacaq.

"Report" "France Football"a istinadən xəbər verir ki, koronavirus pandemiyasına görə yaranmış problem ucbatından mükafat heç kimə verilməyəcək. 

Qeyd edək ki, "Barselona"nın kapitanı Lionel Messi 2019-cu ildə 6-cı dəfə "Qızıl top" mükafatına layiq görülüb. 1956-cı ildən təşkil olunan mərasim ilk dəfə baş tutmayacaq.