"Qəbələ"nin Antalyadakı rəqibləri müəyyənləşib

Mövsümün ikinci yarısının hazırlığına start verən “Qəbələ”nin yoxlama oyunlarındakı rəqibləri müəyyənləşib.

"Report" klubun rəsmi saytına istinadən xəbər verir ki, yanvarın 15-də Türkiyənin Antalya şəhərinə yollanacaq “qırmızı-qaralar” həmin ayın 25-dək qonşu ölkədə hazırlıq keçəcək. Bu müddətdə komanda üç sınaq matçına çıxacaq.

Elmar Baxşıyevin baş məşqçisi olduğu kollektiv ilk sınağına yanvarın 18-də çıxacaq. Rəqib Polşa təmsilçisi “Zaqlembe” olacaq. "Qəbələ" 3 gün sonra Şimali Makedoniyanın "Boreç" klubu ilə qarşılaşacaq. Antalya toplanışında son yoxlama görüşü yanvarın 24-də baş tutacaq. Həmin gün əyalət təmsilçisi Çexiya “Bohemians”ı ilə üz-üzə gələcək.