Qazaxıstanda UEFA Avropa Liqasının Bakıda keçiriləcək final oyununun təbliğatı aparılır

Bu gün Qazaxıstanın Almatı şəhərində “Turizm və səyahət” beynəlxalq sərgisi öz işinə başlayıb.

“Report” AFFA-nın rəsmi saytına istinadən xəbər verir ki, Bakı Olimpiya Stadionunda təşkil olunacaq UEFA Avropa Liqasının final oyununun təbliğatı məqsədilə milli assosiasiya, Dövlət Turizm Agentliyi və Azərbaycan Turizm Bürosu birgə beynəlxalq sərgidə iştirak edir.

UEFA Avropa Liqasının kubokunun nümayiş etdirildiyi sərgidə iştirakçılara final oyunu ilə bağlı məlumatlar təqdim olunur. Sərginin işinə aprelin 19-da yekun vurulacaq.

Qeyd edək ki, final matçı mayın 29-da keçiriləcək.