"Qarabağ" seneqallı hücumçunu Türkiyə klubunun əlindən alıb

"Qarabağ"ın heyətinə qatdığı seneqallı futbolçu İbrahima Vadji daha əvvəl Türkiyənin "Kocaelispor" klubu ilə anlaşıb.

"Report" yerli mətbuata istinadən xəbər verir ki, aşağı liqa təmsilçisi bir müddət öncə 26 yaşlı hücumçunu icarəyə götürməklə bağlı Norveç "Haugesund"u ilə razılığa gəlib.

Hətta Kocaeli klubu cari mövsümün sonunda afrikalı forvardı birdəfəlik transfer etmək hüququna da yiyələnib.

Lakin Türkiyə klubundan daha cəld tərpənən "Qarabağ" Vadjini "Kocaelispor"dan əlindən ala bilib.

Qeyd edək ki, "Qarabağ" İbrahima Vadji ilə 3 illik müqavilə imzalayıb.