"Qarabağ" Qara Qarayevlə müqaviləni uzatdı

"Qarabağ" klubu futbolçusu Qara Qarayevlə müqavilə müddətini uzadıb.

"Report" Ağdam təmsilçisinin rəsmi saytına istinadən xəbər verir ki, 29 yaşlı yarımmüdafiəçinin sözləşməsi daha iki il artırılıb.

Təcrübəli oyunçu bununla bağlı özünün feysbuk səhifəsində paylaşım edib: "Müqaviləmizin müddəti daha 2 il uzadıldı. "Qarabağ" futbol klubunun bir parçası olmaq hər zaman şərəfdir. Layiqli olmağım üçün daha çox çalışacağam. Bu adı daşımaq qürurvericidir".

Azərbaycan millisinin üzvü bölgə klubunun heyətində 7 dəfə Azərbaycan çempionu olub, 3 dəfə ölkə kubokunu qazanıb.