"Qarabağ" qanalı hücumçunun transferini açıqlayıb

"Qarabağ" komandası yeni transferini açıqlayıb. 

"Report" klubun Mətbuat xidmətinə istinadən xəbər verir ki, Ağdam təmsilçisi İspaniya "Leqanes"indən Ovusu Kvabenanın keçidini rəsmiləşdirib. 23 yaşlı qanalı hücumçunun müqaviləsinin detalları barədə məlumat verilməyib. 

Qeyd edək ki, Ovusu Kvabena cari mövsüm icarə əsasında çıxış etdiyi "Kordoba"nın heyətində 16 oyuna çıxıb və 6 qola imza atıb.