"Qarabağ" "İnter"lə matçda sayılmayan qolu ilə bağlı mətbuat konfransı keçirəcək

Bakı. 12 dekabr. REPORT.AZ/ Azərbaycanın "Qarabağ" klubu İtaliya "İnter"i ilə matçda sayılmayan qolu ilə bağlı dekabrın 12-də mətbuat konfransı keçirməyə qərar verib.

Klubun mətbuat xidmətindən "Report"a verilən məlumata görə, tədbir "Qarabağ"ın Suraxanı qəsəbəsindəki bazasında təşkil olunacaq.

Mətbuat konfransında vitse-prezident Tahir Gözəl və baş məşqçi Qurban Qurbanov iştirak edəcək.

Mətbuat xidmətindən bildirilib ki, hakimin ədalətsiz qərarı ilə bağlı lazımi tədbirlər görülməsi üçün əllərindən gələni edəcəklər.