"Qarabağ"ın zədəlilərinin son durumu açıqlanıb

"Qarabağ"ın zədəli futbolçuları Şahrudin Məhəmmədəliyev və Xayme Romeronun komanda ilə məşqlərə başlayacağı vaxt bəlli olub.

Klubun Mətbuat Xidmətindən "Report"a verilən məlumata görə, həkimlərin rəyinə əsasən Məhəmmədəliyev martın 8-də qismən kollektivlə hazırlıqlara start verəcək.

İspaniyalı yarımmüdafiəçi isə 3 həftə sonra komandaya qoşulacaq.

Klubdan o da bildirilib ki, zədədən sonra meydana çıxmayan Bədavi Hüseynov hələ də əvvəlki formasında deyil və bu səbəbdən matçlarda iştirak etmir.

Qeyd edək ki, "Qarabağ" martın 6-da Azərbaycan Premyer Liqasının XVIII turunda "Qəbələ" ilə üz-üzə gələcək.