"Qarabağ"ın sabiq rəqibinin yeni baş məşqçisi müəyyənləşib

Bakı. 4 sentyabr. REPORT.AZ/ "Qarabağın" sabiq rəqibi Sloveniya "Olimpiya"sının yeni baş məşqçisi müəyyənləşib.

"Report" klubun saytına istinadən xəbər verir ki, Lyublyana təmsilçisi avstriyalı mütəxəssis Zoran Barişiçə həvalə olunub. 48 yaşlı baş məşqçi ilə 3 illik müqavilə imzalanıb. Bu, son ölkə çempionunun iyun ayından bəri 3-cü baş məşqçi təyinatıdır.

Qeyd edək ki, Çempionlar Liqasının I təsnifat mərhələsində "Qarabağ"a məğlub olan "Olimpiya" klubu baş məşqçi İliya Stolitsa ilə yollarını ayırıb. Onu bu postda Aleksandr Linta əvəzləsə də, o, komandanın sükanı arxasında möhkəmlənə bilməyib.