“Qarabağ”ın rəqibi millinin futbolçusunu transfer edib

“Qarabağ”ın UEFA Avropa Liqasının qrup mərhələsində rəqibi olan İsveçin “Hakken” klubu yeni transfer reallaşdırıb.

“Report” Höteborq klubunun rəsmi saytına istinadən xəbər verir ki, İsveç millisinin futbolçusu Ayxam Usu heyətə cəlb olunub.

23 yaşlı mərkəz müdafiəçisi Çexiyanın “Slaviya” klubundan icarəyə götürülüb. Tərəflər arasında anlaşmaya əsasən, Usu bu ilin sonuna qədər “Hakken”in formasını geyinəcək.

Qeyd edək ki, Avropa Liqasının H qrupu çərçivəsində “Qarabağ”la “Hakken” arasında ilk oyun oktyabrın 5-də İsveçdə keçiriləcək.