"Qarabağ"ın rəqibi futbolçusu ilə müqaviləni ləğv edir

"Qarabağ"ın UEFA Avropa Liqasının qrup mərhələsindəki rəqiblərindən olan Kipr APOEL-i futbolçusu Minas Antoniu ilə yollarını ayırır.

"Report" "24sports"a istinadən xəbər xəbər verir ki, Nikosiya təmsilçisi 25 yaşlı hücumçu ilə əməkdaşlığa son vermək istəyir. 

Kiprli oyunçunun müqaviləsi ləğv olunduqdan sonra ölkənin digər komandası Limassol AEL-inə keçəcəyi vurğulanıb. Transferin 24 saat ərzində tamamlanacağı gözlənilir.

Qeyd edək ki, Kipr klubları sentyabrın 6-dək azad agent statusu daşıyan oyunçuları heyətinə qata bilər. "Qarabağ"la qrup mərhələsində APOEL-lə ilk matçını oktyabrın 24-də evdə, növbəti görüşü isə noyabrın 7-də Nikosiyada keçirəcək.