"Qarabağ"ın rəqibi Bakıya qələbə ilə gəlir

UEFA Çempionlar Liqasının III təsnifat mərhələsində "Qarabağ"la qarşılaşacaq "Ferentsvaroş" klubu Macarıstan çempionatında mübarizəyə başlayıb.

"Report"un məlumatına görə, Budapeşt təmsilçisi "Puşkaş Akademiyası" komandasını qəbul edib. Görüş meydan sahiblərinin qələbəsi ilə yekunlaşıb - 1:0. Yeganə qolu 90+4-cü dəqiqədə Kristof Zakariassen vurub.

Qeyd edək ki, "Qarabağ" "Ferentsvaroş"la ilk oyununu avqustun 3-də evdə, cavab matçını avqustun 9-da səfərdə keçirəcək.