"Qarabağ"ın legioneri "Kayrat"la oyunda zədələnib

"Qarabağ"ın futbolçusu Kadi Borges zədələnib.

Klubun Mətbuat xidmətinin rəhbəri Gündüz Abbaszadənin "Report"a verdiyi məlumata görə, braziliyalı yarımmüdafiəçi Qazaxıstanda "Kayrat"a qarşı keçirdikləri UEFA Konfrans Liqasının qrup oyununun ilk hissəsində sifətindən xəsarət alıb.

Bu səbəbdən, 25 yaşlı oyunçu 61-ci dəqiqədə Ramil Şeydayevlə əvəzlənib.

Qeyd edək ki, görüş "Qarabağ"ın 2:1 hesablı qələbəsi ilə başa çatıb.