"Qarabağ"ın legioneri: "Azərbaycanlılar Ronaldunun oynayacağını gözləyirdi"

"Qarabağ"ın legioneri: "Azərbaycanlılar Ronaldunun oynayacağını gözləyirdi" "Azərbaycanlılar Kriştianu Ronaldunun bu matçda oynayacağını gözləyirdi. Ronaldu olmasa da, onların başqa istedadlı oyunçuları var".
Futbol
228
7 Sentyabr , 2021 09:00
Qarabağın legioneri: Azərbaycanlılar Ronaldunun oynayacağını gözləyirdi
Kevin Medina

"Azərbaycanlılar Kriştianu Ronaldunun bu matçda meydanda olacağını gözləyirdi. Ronaldu olmasa da, Portuqaliyanın başqa istedadlı oyunçuları var".

"Report"un məlumatına görə, bu fikirləri "Qarabağ"ın futbolçusu Kevin Medina Azərbaycan və Portuqaliya milli komandaları arasında 2022-ci il dünya çempionatının seçmə oyunu barədə "rr.sapo.pt" saytına açıqlamasında deyib.

28 yaşlı kolumbiyalı müdafiəçi Portuqaliya yığmasının heyətində Brunu Fernandeşin möhtəşəm oynadığını bildirib: "Onu həmişə çox bəyənmişəm. Diequ Jota kimi bir neçə ulduz oyunçu da qarşılaşmaya təsir edə bilir. Portuqaliyada çox yüksək səviyyəli futbolçular var. Mən ikisi haqqında danışdım, amma qapıçı da daxil olmaqla digər 9 nəfəri də qeyd edə bilərəm. Ehtiyat oyunçuları da yaxşıdır, çünki meydana kim girsə, eyni səviyyədə iş görəcək".

Medina Azərbaycan millisinin də inkişaf etdiyini sözlərinə əlavə edib: "Artıq ölkənin Türkiyə və Polşa kimi keyfiyyətli çempionatlarda çıxış edən futbolçuları mövcuddur. Yığmada bir neçə yaxşı oyunçu da var. Qapıçı Şahruddin Məhəmmədəliyev, yarımmüdafiəçilər Emin Mahmudovla Qara Qarayev və hücumçu Mahir Emrelinin adını çəkə bilərəm. Onlar Portuqaliya üçün təhlükə yarada bilərlər".

Qeyd edək ki, bu gün Bakı Olimpiya Stadionunda keçiriləcək Azərbaycan - Portuqaliya görüşü saat 20:00-da başlayacaq. Kevin Medina "Qarabağ"a 2020-ci ilin yayında Portuqaliyanın "Şaveş" klubundan keçib.

Son xəbərlər

Orphus sistemi