"Qarabağ"ın Çempionlar Liqasındakı rəqibi heyətini ispaniyalı futbolçu ilə gücləndirib

"Qarabağ"ın UEFA Çempionlar Liqasının pley-off mərhələsindəki rəqibi Xorvatiya təmsilçisi "Dinamo" (Zaqreb) heyətini yeni futbolçu ilə gücləndirib.

"Report" xəbər verir ki, zaqreblilər ispaniyalı müdafiəçi Yan Oliverası 1 il müddətinə icarə əsasında sıralarına cəlb edib.

O, son mövsümü İtaliyanın "Roma" klubunun gənclərdən ibarət komandasının heyətində keçirib.

Qeyd edək ki, "Qarabağ"ın "Dinamo" ilə ilk görüşü avqustun 20-də səfərdə baş tutacaq. Cavab matçı isə avqustun 28-də evdə reallaşacaq.