"Qarabağ"ın baş məşqçisi: "Tək mənim yox, digər mütəxəssislərin də adı milli ilə yanaşı hallanır"

"Tək mənim yox, digər mütəxəssislərin də adı milli ilə yanaşı hallanır".

"Report"un məlumatına görə, bunu "Qarabağ"ın baş məşqçisi Qurban Qurbanov deyib.

51 yaşlı mütəxəssis gedişatın heç vaxt dəyişmədiyini bildirib: "Elə 15 ildir ki, adım hallanır. Hər dəfə belə olub. Müzakirələr də eyni proqram üzrə gedir".

Qurbanov "Yığmada əcnəbi, yoxsa yerli baş məşqçinin olmasının tərəfdarısınız" sualını bu cür cavablandırıb: "Çox xahiş edirəm ki, mənə bu barədə suallar verməyin. Dəfələrlə bildirmişəm ki, heç kimin işinə qarışmaq istəmirəm. Buradan məsləhət vermək də istəmirəm. Bu barədə fikir bildirməyim nə düzgün olar, nə də bunu istəyirəm".