"Qalatasaray" legioneri ilə müqaviləni ləğv etdi

Türkiyənin "Qalatasaray" klubu futbolçusu Yunes Belhanda ilə yollarını ayırıb.

"Report" İstanbul təmsilçisinin rəsmi saytına istinadən xəbər verir ki, 32 yaşlı yarımmüdafiəçinin sözləşməsi tək tərəfli ləğv edilib.

"Sarı-qırmızılar" Belhandanın klubun imicinə xələl gətirən açıqlamalar verdiyini bildirib. Klub sözləşmənin haqlı səbəbdən ləğv olunduğunu vurğulayıb.

Qeyd edək ki, Yunes Belhanda 2017-ci ildən "Qalatasaray"da çıxış edib. O, iki dəfə Türkiyə Super Liqasının qalibi olub. Futbolçunun müqaviləsi yayda başa çatmalı idi.