"Qalatasaray"ın futbolçusu Arda Turan zədələnib

Türkiyənin "Qalatasaray" klubunun futbolçusu Arda Turan zədələnib.

"Report" İstanbul təmsilçisinin rəsmi saytına istinadən xəbər verir ki, 34 yaşlı yarımmüdafiəçi Danimarkada "Randers"ə qarşı keçirdikləri UEFA Avropa Liqasının pley-off mərhələsinin ilk oyununda ayaq biləyindən xəsarət alıb.

Təcrübəli oyunçunun müalicəsinə başlanılıb.

Qeyd edək ki, matç 1:1 hesabı ilə yekunlaşıb. Cavab qarşılaşması avqustun 26-da İstanbulda olacaq.