"Qalatasaray" heyətinə iki legioner futbolçu cəlb edib, hücumçusunu icarəyə verib

Türkiyənin "Qalatasaray" klubu iki yeni futbolçu transfer edib.

"Report" klubun rəsmi saytına istinadən xəbər verir ki, İstanbul təmsilçisi İngiltərə "Sautgempton"undan Mario Leminanı heyətinə qatıb. 26 yaşlı qabonlu yarımmüdafiəçi 1 illik icarəyə götürülüb.

Son ölkə çempionu İngiltərənin "Brayton" klubundan isə rumıniyalı hücumçu Florin Andoneni transfer edib.

"Sarı-qırmızılar" həmçinin hücumçu Mbaye Diaqneni eyni müddətə Belçikanın "Brügge" klubuna icarəyə verib.

Qeyd edək ki, Lemina karyerası ərzində Fransanın "Loryen", "Marsel" və İtaliyanın "Yuventus" klubunun formasını geyinib.