"Qalatasaray" Arda Turanı komandaya qaytarmaq istəyir

"Qalatasaray" Arda Turanı komandaya qaytarmaq istəyir Türkiyənin Qalatasaray klubu sabiq futbolçusu Arda Turanı komandaya qaytarmaq istəyir.
Futbol
108
26 Noyabr , 2019 18:42
Qalatasaray Arda Turanı komandaya qaytarmaq istəyir

Türkiyənin "Qalatasaray" klubu sabiq futbolçusu Arda Turanı komandaya qaytarmaq istəyir.

"Report" "NTV Spor"a istinadən xəbər verir ki, "sarı-qırmızılar" yanvar ayında 32 yaşlı yarımmüdafiəçi üçün "Başakşehir" klubuna təklif göndərəcək.

Tərəflər arasında razılıq əldə olunarsa, "Qalatasaray" təcrübəli futbolçunun müqavilə ilə məxsus olduğu İspaniya "Barselona"sı ilə görüşəcək və transferi tamamlayacaq.

Arda Turanı icarə əsasında heyətə cəlb etmək istəyən İstanbul təmsilçisi "Barselona"ya və ya "Başakşehir"ə hər hansı bir məbləğ ödəməyəcək.

Qeyd edək ki, Arda Turan 2005 - 2011-ci illərdə "Qalatasaray"ın formasını geyinib. O, İspaniyada "Atletiko"dakı çıxışı ilə adından söz etdirib. Oyunçunun 2016-cı ildən sonra "Qalatasaray"ın baş məşqçisi Fatih Terimlə münasibəti pisləşsə də, onlar "Qalatasaray" - "Başakşehir" (0:1) matçında barışıblar. 

Son xəbərlər

Orphus sistemi