Türkiyə Futbol Federasiyası Azərbaycanın qadın hakimlərinə dəvət göndərib

Bakı. 8 fevral. REPORT.AZ/ Azərbaycanın qadın futbol hakimləri beynəlxalq oyunlarda iştirak edəcək. 

"Report" AFFA-nın saytına istinadən xəbər verir ki, Türkiyə Futbol Federasiyası FİFA referisi Yuliya Qurbanova, FİFA referi köməkçiləri - Gülyana Özcan və Gülnurə Əkbərzadəyə dəvət göndərib. 

Onlar qadınlardan ibarət milli komandalar arasında təşkil olunacaq beynəlxalq turnirin oyunlarını idarə edəcəklər.

Qeyd edək ki, turnirin matçları fevralın 25-dən martın 5-dək Antalya şəhərində keçiriləcək.