PSJ-nin baş məşqçisi Tomas Tuxel etiraf edib ki, komandasının hücumçusu Kiliana Mbappenin Çempionlar Liqasının matçlarına qədər bərpasına inanır.
Bu barədə “Report” RMC-yə istinadən xəbər verir.
Hücumçu "Sent-Etyen"lə Fransa Kubokunun final matçı zamanı zədə alıb. O birinci hissədə əvəz edilib. Tibbi müayinə topuğun zədəsini aşkarlayıb. Matç PSJ-nin minimal - 1:0 hesablı qələbəsi ilə başa çatıb.
"Bəli, mən hələ buna inanıram, amma bu kiçik möcüzə olacaq. Bu aydındır", - mütəxəssis bildirib.
Avqustun 12-də PSJ Çempionlar Liqasının dörddə bir finalında İtaliya "Atalanta"sı ilə oynayacaq.