PSJ Mbappenin əvəzinə gənc ulduz alacaq

Fransanın PSJ klubu komandanı tərk edəcək əsas forvardı Kilian Mbappeyə əvəzləyici tapıb.

"Report" xarici KİV-ə istinadən xəbər verir ki, parislilər “Milan”ın hücumçusu Rafael Leaonu almaq istəyirlər. Lakin mümkün keçidin təfərrüatları hələ dəqiqləşdirilməyib.

Xatırladaq ki, Mbappenin azad agent kimi “Real” ilə müqavilə imzalamağa yaxın olduğu bildirilir.

Qeyd edək ki, Leao 2019-cu ildən “Milan”da çıxış edir. Bu mövsüm cinah yarımmüdafiəçisi “rossonyerilər”in heyətində bütün turnirlərdə 27 oyun keçirib, 6 qol vurub və 6 məhsuldar ötürmə edib. “Transfermarkt” internet portalında futbolçunun təxmini dəyəri 90 milyon avro göstərilib.