PSJ Braziliya millisinin üzvü ilə müqaviləni yeniləyib

Fransanın PSJ klubu futbolçusu Markinyoşla müqavilənin müddətini uzadıb.

"Report" Paris təmsilçisinin rəsmi tviter hesabına istinadən xəbər verir ki, 29 yaşlı müdafiəçinin yeni sözləşməsi 2028-ci ilin yayınadək nəzərdə tutulub.

Qeyd edək ki, Markinyoş 2013-cü ildən PSJ-də çıxış edir. Braziliya millisinin üzvü komanda ilə yeddi dəfə Fransa çempionu olub.