PSJ baş məşqçisi ilə müqavilə müddətini uzadıb

Fransanın PSJ futbol klubu baş məşqçisi Maurisio Poççetino ilə yeni müqavilə imzalayıb.

“Report”un klubun rəsmi saytına istinadən verdiyi məlumata görə, argentinalı mütəxəssislə iki ilik anklaşma əldə olunub. O, Paris komandasına 2023-cü ilədək rəhbərlik edəcək.

Xatırladaq ki, 49 yaşlı Maurisio Poççetino PSJ-yə 2021-ci ilin yanvarından rəhbərlik edir.