Premyer Liqa: "Turan Tovuz" "Sabah"la bərabərə qalıb

"Turan Tovuz" Misli Premyer Liqasında "Sabah"la heç-heç edib.

"Report"un məlumatına görə, Tovuz şəhər stadionunda baş tutan XIV turun oyununda bərabərlik qeydə alınıb - 1:1.

Hesabı meydan sahibləri açıb. 46-cı dəqiqədə Otto Con adını tabloya yazdırıb. "Bayquşlar"a 1 xal qazandıran qolu isə 67-ci dəqiqədə Coy Lens Mikels vurub.

Kurban Berdıyevin rəhbərlik etdiyi "Turan Tovuz" 27 xalla üçüncü sırada qərarlaşıb. "Sabah" isə 19 xalla beşincidir.

Qeyd edək ki, turun əvvəlki oyunlarında "Araz-Naxçıvan" "Kəpəz"i 2:0, "Qarabağ" "Səbail"i 3:0, "Neftçi" isə "Zirə"ni 2:1 hesabı ilə məğlub edib.