Premyer Liqa: "Mançester Siti" yenə qələbə qazana bilməyib

"Mançester Siti" İngiltərə Premyer Liqasında yenə qələbə qazana bilməyib.

"Report" xəbər verir ki, "şəhərlilər" XVIII turun açılış oyununda, doğma meydanda "Everton"la heç-heçəyə razılaşıb - 1:1.

Hesabı ev sahibləri açıb. 14-cü dəqiqədə Bernardu Silva fərqlənib. Qonaqları məğlubiyyətdən xilas edən qola isə 36-cı dəqiqədə Lliman Ndiaye imza atıb.

Xosep Qvardiolanın rəhbərlik etdiyi kollektiv 53-cü dəqiqədə real qol fürsətini əldən verib. Erlinq Holann penalti zərbəsindən yararlana bilməyib.

Qeyd edək ki, "Mançester Siti" turnir cədvəlində 28 xalla 6-cı sırada qərarlaşıb. "Everton" isə 17 xalla 15-cidir. Mançester təmsilçisi son 9 Premyer Liqa görüşündə cəmi 5 xal toplayıb.