Pitbul məşhur klubun idman direktoruna hücum etdi

İtaliyanın "Latsio" futbol klubunun idman direktoru İqli Tare dəhşətli hadisə ilə üzləşib.

"Report"un yerli mətbuata istinadən verdiyi məlumata görə, 47 yaşlı funksioner pitbul itinin hücumuna məruz qalıb.

Hadisə nəticəsində onun iki kiçik itindən biri ölüb, digəri isə itib. Tare yüngül xəsarətlər alıb.

Pitbulun zəncirsiz olduğu və hasarı keçərək hücum etdiyi bildirilib. Faktla əlaqədar cinayət işi açılıb, istintaq aparılır.