Qvardiola "Mançester Siti"nin uğursuz çıxışının səbəbini açıqlayıb

İngiltərənin "Mançester Siti" klubunun baş məşqçisi Xosep Qvardiola uğursuz çıxışın səbəbini açıqlayıb.

"Report" "Sky Sports"a istinadən xəbər verir ki, təcrübəli mütəxəssis cari mövsüm matç qrafiklərinin sıx olmasına görə istədikləri oyunu sərgiləyə bilmədiklərini söyləyib.

O, həddən artıq çox qarşılaşmaya çıxmaları səbəbindən futbolçuların tez-tez zədələndiyini bildirib. 53 yaşlı ispaniyalı çalışdırıcı bu vəziyyətin gec-tez bütün klubların başına gələcəyini deyib.

Qeyd edək ki, "Mançester Siti" son 10 görüşdən yalnız 1-də qalib gəlib.