"Omoniya"nın futbolçusu: "Heç-heçəyə layiq idik"

"Bu gün özümüzü göstərib yaxşı nəticə qazanmaq istəyirdik. Fasiləyə öndə yollandıq, ikinci yarıda rəqib hesabı bərabərləşdirdi".

"Report"un məlumatına görə, bu fikirləri Kiprin "Omoniya" komandasının futbolçusu Haralambos Haralambus Bakıda "Qarabağ"la 2:2 hesablı heç-heçə etdikləri UEFA Konfrans Liqasının qrup mərhələsinin V tur oyunundan sonra mətbuat konfransında deyib.

O bildirib ki, qırmızı vərəqədən sonra daha çox güc sərf ediblər: "Vurduğumuz ikinci qol baxımlı alındı. Komanda heç-heçəyə layiq idi. Bu, indiyədək keçirdiyimiz ən çətin matçlardan biri idi".