Olimpiya çempionu Toğrul Əsgərov "Kəpəz"in oyununu izləyib

Bakı. 16 aprel. REPORT.AZ/ Futbol üzrə Azərbaycan Premyer Liqasının XXX turu çərçivəsində keçirilmiş “Kəpəz” – “İnter” matçını sərbəst güləş üzrə olimpiya çempionu Toğrul Əsgərov da izləyib. "Report"un məlumatına görə, gəncəli pəhləvanın oyuna baxmağa gəlməsi fanatların da diqqətini çəkib. 

Yerli azarkeşlər “Toğrul, Toğrul” deyə güləşçini salamlayıblar. Oyun boyu “sarı-göylər”ə dəstək verən pəhləvan görüşdən sonra azarkeşlər ilə şəkil çəkdirib.

Qeyd edək ki, matçın qalibi müəyyənləşməyib - 1:1.