Niderland millisinin baş məşqçisi xərçəng xəstəliyinə tutulub

Niderland millisinin baş məşqçisi Lui Van Qal xərçəng xəstəliyinə tutulub.

"Report"un məlumatına görə, 71 yaşlı mütəxəssis bu barədə "Voetbal International" nəşrinə açıqlama verib.

Van Qal bildirib ki, hər dəfə millidə olanda gecələr xəstəxanaya getməli olub: "Futbolçuların bundan xəbəri yox idi. Onlar mənim sağlam olduğumu düşünürdülər. Amma belə deyil".

Baş məşqçi onda prostat vəzi xərçənginin aqressiv formasının olduğunu sözlərinə əlavə edib və indiyədək 25 prosedurdan keçdiyini diqqətə çatdırıb.

Qeyd edək ki, 2021-ci ildən yığmaya rəhbərlik edən mütəxəssis 2000-2001, 2012 - 2014-cü illərdə də Niderland millisində çalışıb.