Niderland millisi baş məşqçisi ilə vidalaşdı

Niderland yığması baş məşqçi Frank de Burla yollarını ayırıb.

"Report" xəbər verir ki, bu barədə Niderland Kral Futbol İttifaqının (KNVB) rəsmi saytı məlumat yayıb.

Komanda Avropa çempionatının 1/8 final mərhələsində Çexiyaya 0:2 hesabı ilə uduzmuşdu.

Qeyd edək ki, Frank de Bur 2020-ci ilin sentyabrından milliyə rəhbərlik edib. 51 yaşlı mütəxəssisin müqaviləsi 2022-ci ildə başa çatmalı idi.