Niderland klubunun baş məşqçisi qovuldu

Niderlandın AZ komandasının baş məşqçisi Arne Slot istefaya göndərilib.

"Report" klubun rəsmi saytına istinadən xəbər verir ki, onu bu vəzifədə köməkçisi Paskal Yansen əvəzləyib.

Alkmar təmsilçisi 42 yaşlı mütəxəssis haqqında gəzən şayiələrdən sonra bu addımı atıb. İddiaya görə, Slot "Feyenoord"un hazırkı baş məşqçisi Dik Advokatln yerinə əsas namizəd hesab olunur.

Qeyd edək ki, AZ Niderland çempionatında 9 turdan sonra 17 xalla 7-ci pillədə qərarlaşıb.