Neymar "İnter Mayami"yə keçə bilər

Səudiyyə Ərəbistanının “Əl-Hilal” və Braziliya milli futbol komandasının hücumçusu Neymar ABŞ-nin “İnter Mayami” klubuna keçə bilər.

"Report"un məlumatına görə, bu barədə İsveçrənin "Sky Sport" nəşri xəbər yayıb.

Futbolçu komanda yoldaşlarına yayda argentinalı Lionel Messinin oynadığı “İnter Mayami”yə və ya “Barselona”ya keçmək istədiyini bildirib. Səudiyyə Ərəbistanında bildirilib ki, Neymar bu yolla maaş artımına nail olmaq üçün “Əl-Hilal”a təzyiq etmək istəyir.

Neymar 2023-cü ilin yayında 90 milyon avroya Fransanın PSJ klubundan "Əl-Hilal"a keçib. O, yeni komandasında 5 oyun keçirib və bir qol vurub.